Kya Aap Bhi Takabbur Ka Shikar Hain? Zameen Se Qabar Tak Ka Safar

Aaj ke is digital daur mein humne har cheez hasil kar li—degrees, wealth, aur respect—magar shayad hum woh sabse qeemti sabaq bhool gaye jo hamare deen ne sikhaya tha: Aajzi (Humility).

QURAN TEHREEK 

ki is video mein humne ek kadwi haqeeqat bayan ki hai. Sochiye, woh insaan jo aaj zameen par boht akad kar chalta hai, kal usi zameen ke niche chala jayega. Kya hamari kamyabi ka koi faida hai agar hum Allah ke raste ko chor den?

Takabbur vs Aajzi

Gharoor insaan ko logo se nahi, balke Allah ki rehmat se door kar deta hai. Quran-e-Pak mein saaf irshad hai ke logo se mooh pher kar baat mat karo aur zameen par itra kar mat chalo. Kyunki Allah Ta'ala takabbur karne walon ko pasand nahi karta.

Asal Kamyabi Kya Hai? Asal kamyabi degrees ya fame mein nahi, balke apne Rab ko pehchan'ne mein hai. Aajzi woh seedhi hai jo insaan ko zameen se utha kar aasman ki bulandiyon tak le jati hai.

Faisla Aapka Hai: Kya aap apne bachon ko sirf urna sikhana chahte hain, ya unhein yeh bhi batana chahte hain ke zameen par reh kar kaise jeena hai?